Kajla fela dikhta hai uska vo rooti hai...
Hain majbut bahut irado se khud mein,
lekin hallato se himmat khoti hai...
Nanhi si thi papa sarr pe chadha ke rakhte the...
Uske nanhe se paav, choti-choti, maa ne pehnayi pajebo se cham-cham karte the...
Choti si bindia laga ke badi si smile karti thi...
Ek din badi ho ke chali jayegi vo soch soch maa-baba ki jan nikalti thi...
Hasti-muskurati vo sab ko bhati,
Daadi se sunti kahaniya kabhi sher vali,
Khargosh to kabhi hathi...
Siksha-gyan me sarvottam anko me sabse aage kise ke hath na aati...
Naaj-o-laad pyar se paali bin maange sab paati...
Jese jese badi hui sanskar barkarar...
Sahi galat ki parakh use apno ka mann badhati...
Izzat karti sabki or badh chadh kar dugni sab se izzat paati...
Na jeevan me koi galti ki na shikayat koi ghar layi...
Jisne bhi kosis bhatkane ki use jamkar fatkar lagayi...
Hui sayani waqt vivah ka aya...
Maa ne sab sikha, samjha, use agle ghar ke kabil banaya...
Ek sahi varr uske liye dhunda,
Jach-parakh kar santusti guru maharaj se pucha...
Aur ek acha sa mahurat sujhaya...
Baba ne joda jitna dhan kama ta-umar
vivah me sara lagaya...
Apne kaleje se laga kar vida pita ne apna kartavya nibhaya...
Ab pahuchi jab vo duje ghar,
3-4 din Kangna-sangna puja-path chala...
Ajnabi logon mein pahuch ghar se ma- papa bhai-behen bina,
Use bas adjust karna pada...
Usne kosis ki us ghar ko apna ghar sa banane ki...
Khush rehne ki khush rakhne ki...
Fir ek sham use jise ram tha mana usme use ek ravan dikha...
Nashe mein dhutt, jaban pe gali...
Us se jab pucha ye aap ho sakte nahi,
Galat hai ye sahi nahi,
Jis se kabhi uchi avaz mein kya ap se jabani lehze mein kahi tu na hua...
Chehre par pade nishan ka jab ghar vo pahuchi toh us se uttar de na hua...
Bana bahana baat talayi,
Jab tak beechi khub bichayi,
Ek din jab jeevan par ban ayi,
Tab ja ke usne awaz uthayi,
Sahi thi vo apni gajah 100 hath madad ko aage aye,
Bas khatam jo zillat ke the din andhere mein dar dar usne bitaye...
Insaan hai vo bhi kisi ki qaidi nahin,
Garv hai us par jo adhikar janti hai ab,
Galat bat na bardasht use or vo khud par kya duje ke liye bhi sehti nahin...
Jeevan ka har ek naya din nayi zindagi shuru karne me saksham,
Or sach pucho to abi hui koi andher nahin...
Firse sahi shuruat ke liye hoti kabhi bhi koi der nahin...
Tu saksham hai,
Tu kis se kam hai,
Tere pero tale teri majbuti par jalti duniya hai,
Tere fainslo ki draddta par tajjub karti duniya hai,
Tere piche chalni ek din duniya hai,
Ek pehchan hai tu, ek udaharan hai tu,
Tu kal bhi thi tu aj bhi hai,
Tera kal bhi tha tera aj bhi hai,
Tu apne papa ki gudiya hai,
Unhe naaz tujpe kal bhi tha aur aaj bhi hain.
Tu khushi bakhere jaa tu jaha rahe,
Befikra tu ji beparwah chahe logon ke jitne honth hile,
Tu udti jaa, tu chalti jaa jab tak tuje na teri manjil mile...
Jab tak na tujhe mukam mile...
Jab tak na tere panv thaake...
Jab tak na tere aage duniya ke salam jhuke...
By-Yatesh 🙏
