Lekhak (Writer)

April 2016
Lekhak kehlana asan nahi...
Likhna sab ke baski baat nahi...
Badra lakho hai uche gagan mein...
Un barasna har kise ke baski baat nahi...
Tootna padta hai jese gagan se tare...
Toot kar judne ki sb mein bisaat nahi...
Bikharna padta hai jese tutti mala ke moti...
Bikhar kar simatne ki har kisi mein baat nahi...
Khona padta hai lekho mein...
Doobna padta hai bhavo mein...
Kuch chubhti yadoon, mein kuch bebas baton mein...
Likhne padte hai raaz kabhi...
Rachne padte hai saaz kabhi...
Gaane padte hai lekho mein alfaaz kabhi...
Khushi kabhi to dard kabhi...
Meethi batein to chubti koi yad kabhi...
Kabhi bhra-bhra man bhavo se...
Kabhi khali-khali yadon se...
Kabhi jhagda yun alfazon se...
Takrar kabhi jazbaaton se...
Kabhi moti barse ankhon se...
To kabhi gujaris khwabo-khayalaton se...
Kabhi gustakhi ankhon se...
Kabhi mohabbat pyar ki baaton se...
Kabhi yaari kali raaton se...
To kabhi khafa-khafa dil jhutte vaado se...
Kehte hai sab mujse log yahi...
Ke accha likhte ho tum bhi...
Mai kehta hu pasand aye kise ko...
Is se sukhad or kuch bhi nahi...
Ye koi meri roozi-rooti nahi...
Ye mein dil ki jubbani likhta hu...
Ye bhav mein khud ke likhta hu...
Jazbaat mein apne likhta hu...
Haalaat ye khud ke likhta hu...
Khayalat jo bune kisi ki yadoon mein kabhi, vo likhta hun...
Sidha-Sadha mein or sidhe-saade bhav mere...
Ankhon ke jariye rooh mein jhaaku to teri bhi kahani paas mere...
Makssd lekho se mere ananadit sabko mujhko karana hai....
Rach-rach naya roj fir sbko dikhlana hai...
Lekhon mein mojud meri...
Nadiyo ka befikra behte jana...
Pakshiyo ka chehkna, bhanwro ka vo mandrana...
Kaliyo ka khilna fuulo(flowers)ka murjhana...
Chote baccho ka vo khil-khilana...
Masti mein khushi ka vo kano mein gun-guna na...
Lotunga nayi ummed ke sath suraj ka har sham ko keh jana...
Vo beete dinn or samay ka alvida keh jaana...
Ek nayi jindagi banke kise ka jivan mein aana...
Or kise ka saada ke liye chup-chap chale jaana...!
Har din ka jeevan sangharsh...
Usme khojti ankhe be annt harsh...
Kabhi dukhad maah to kabhi samporn sukhad varsh...
Kaahi chinta jyda paiso ko thikane lagane ki...
Kahi jillat do(2) took kamane ki...
Kabhi bichdi hui battein...
To kabhi yaddon ke sath lambi raatein...
Kuch bichde jigri yaar-saathi...
To kabhi gila-shikwa ke yaad hamari nahi aati...
Kise ka 2 pal ka jhuta pyar...
To koi paak mohabbat mein jeevansathi or sada ke liye sukhad sansar...
Or bhut kuch lekhon mein mere...
Ye to jo yaad aya bata di baatein...
Jinki vajah se likh-likh ki khud ki chooti raatein...
Puchte hai sb log yahi ye hunar kha se aya...
Likhne ka tarika kaha se paya...
Kyo likhte ho...
Kese likhte ho...
Sab kuch kese likh pate ho...
Vyast se jeevan mein apne...
Itna samay kese bcha pate ho...
Mai kehta hu...
Ye na mere khoon mein hai...
Na maine kahi se sekha hai...
Na koi kavi-lekhak-shayar ke kull ka mein...
Ye shok hai mera, ye mera junnon hai...
Iske vajah se hi mere jeevan mai sukoon hai...
Jo bhi dil me bhaar hai vo...
Ek dhang se mein likh deta hu...
Jo bhi bhav vichar hai mere is traha prastut kar deta hu...
Khusi milti hai muje likhne se...
Kuch alag sa kar dikhne mein...
Ye hunar mera ye soch meri...
Muje sab se juda banati hai...
Ye lekhan shelli meri kya hu mai ek parichya mera de jati hai...
Jo bayan nahi kar pata juban se kalam meri keh jaati hai...
Likhta hu main ek yahi chej hai jo sayad muje sabse achi aati hai...
                                           Dhanyavaad
By- Yatesh