Vraksh -Trees

Nov 10 2015
Harit(green) rang ki ek vishal si kaya...
Ghane patro(leaves) se jiske nirmal chaya...
Gaganchumbi roop vichitra...
Sunyaim(self) jeev khud mein anginat jeevo ka jeevan samaya...
Na jane kitne pakshiyo ko basera ban apni godd(lap) me jisne befikra neend sulaya...
Mook, sadiyo se jo har vaar looh ka sehta aya...
Khud mit kar kat kar jisne manav ka astitva bachaya...
Manav ke kiye pradushan(pollution) mein dam ghot- ghot jisne har manav or pashu ka saans chalaya...
Svanyam kat kar bin anh bina ansu jisne apna sesh manav unnati ke bhet chadaya...
Kehta hai har koi pedh or vraksh unhe...
Jinka hona manav jeevan ka hona hai...
Inka vilupt(extinction) hona jeevan ka sada ke liye khona hai...
Har rog ki inse dava mili upchar mila...
Inse sir pe manav ko chaat mile or bhojya padharth(food material) mila...
Rojgar mila karobar mila or patrachar mila...
Vastara(clothes) mile unpar chidakne ko vibhinn-vibhinn itra mile...
Vanaspati vigyan(botany) ke jariye ham jese chatro ko ek adhrbhut gyan mila...
Jeevan ki utpatti ka ek nayab chor mila...
Ye itne mahan itne devik  kai dharmo mein jinhe puja jaata hai...
Ek taraf agyani manav apne pairo pe kulhadi bajata hai...
Inme bhi to jeevan hai,hai inme bhi to sans bhara...
Inki bhi to mata hai jisko tu kehta hai dhara...
Ek taraf sehrikaran(civilization) vajood inka khaye jaata hai...
Or upar se manav kar pradushan khud ka or inka jeevan durbhar kar jaata hai...
Prabhav ghatak hai teezi se kam hota oxygen starr chintajanak hai...
Shesho or ento(bricks) ka sahar kheti or haryali ke liye ek prashan(question) hai?
Waqt hai ab bhi samjho socho or ek muhim chalao...
Deforestation ko afforestation main parivartit karao...
Pryavaran bachao bhavisya bachao...
Ae aj ke gyani pursho mahan buddhijivio kuch esa kar jao...
Ke aane vale varsho mein ek misaal ban jao...
Kuch khud ke liye kuch aane vale kal ke liye...
Aane vali pidhiyo ke liye utho kuch kadam badhao kuch to kar jao...!
Kartavya har manav ka inke prati banta hai...
Bhumika is chetra(field) me ada karne ka farz bhi banta hai...
Ek karya mere kehne se ho jab kise sishu ka janam hota hai...
Na jane tab kya kya har dharam me uchit pooja karam hoota hai...
Aj se ek nayi reet chalao jab ho naya deep prajvallit kisi kul mein to ek podha lagao...
Jese dhayan us sisu ka rakhte hai...
Usi traha us podhe par bhi uchit smay lagao...
Bache ki traha dekhbhal karo or use vraksh banao...
Jaha vraksh koi hat jaye usi gajah naya podha lagao...
Manav jivan mein ek bhari matra mein hai jarurat inki...
Hai inka pura jeevan kurbaan hame...
Jab itna sab kuch inse lete ho to apna bhi kuch dharam nibhao...
Kaatna pade jahaa se vraksh eek uski bharpayi ke liye naye or do vraksh lagao...
Dhanyavd
By-yatesh
Share for human kind...
#SaveTreesTheyWillSaveYou