Mausam-Vastavik Varnan

Kaali ghanghor ghata usme bijli ki damak...
Bijlio ki kataar rahi jese mahadev ka trishul chamak...
Grishma ritu mein ye manmohak najara khud ki taraf hume khiche...
Sheetal-sheetal barasti meghdhara sukhe mann ko bharpoor sinche...
Andhiya hawao se parivartit jor-jor se shor machaye...
Koi jo dekhe ghoor unhe dhool ankh mein jhook ke jaye...
Mastio me hawa fire nachti kabhi anandmayi kabhi rudra roop dikhaye...
Devlok se aati sidhi Mritulok mein bunde tan ko bhigaye...
Chehre ko chu ke jeth ki tapit garmi mein seedhi rooh tak jaye...
Gagan dhaka hua badra se chandrama pure jor lagaye...
Sangharsh kar ek lambe samay tak apna fir se jo vajood chamkaye...
Ek disha ghane andhere karte badal...
Or ek taraf chanda ki roshni sath hi tim-tim taare uska sath nibhaye ...
Prakarti ka gajab najara vichitra ghatao mein banti akartiya...
Or upar se ye garmi mein mausam payara, man ko lubhaye...
Indradev ki gajab mahima, vayudev bhi jor dikhaye...
Chandradev bech mein vichlit shaptrisi or dhumil taro ko dherya bandhaye...
Jhar jhar barse ghad ghad garje...
Koi prasann(glad) to koi bijliyo ki gadgdahat se dar-dar jaye...
Vraksh nachte upvan-upvan...
Jeev khusi mein shor machaye...
Koi vichlit hoh bundoo se khud ko chupaye...
Dekh ke ye manmohit drasya mayur bhi utkrasth nratya dikhaye...
Faila kar pankho ko apne khul ke jiine ka sandesh hume de jaye...
Har chez vishesh har chez anokhi kuch na kuch hame sikhati hai...
Ye bekhof nidar hawaye stithi ke anusar ban sheetal vayu or kabhi andhi...
Dono roop mein jesi stithi aise samay mein khud ko dhalo humse batati hai...
Ye nirmal swacch barish ki bunde hume khud jesa pawan ban ne ka...
Aur kise ke jeevan mein harsh-o-ullaash bharne ka andaaz de jati hai...
Jese kisan jo bin varsa kab se tarsa hua...
Ak arsa ho gaya jham-jham badar barsa hua...
Ek khusi baras ke jivan me rang bhar jati hai ese hi hume ye jeene ka dhang batati hai...
Ye chandrma jo asman mein latak raha ghane andhero mein bhi jo apne taramandal pariwar ke sath mein chamak raha...
Koi bhi andhi aye tufan ya ghane badra aye kar sangharsh chandra apno ke sath mein datta rahe aur unhe dherya bandhaye...
Aise hi mil-jul kar rehne apno mein har musibat mein sath nibhane ka ek sandesh hume de jaye...

Dhanyawad
By-Yatesh