Beeta Hua Kal

Aaj us beetein hue kal me laut ke jaana...
Kuch chuute hue pal samet ke lane ke liye...
Bilkul aisa hai mano khud ko ese wakt me fir se dekhna jaha ap kise ko dekhna na chahoge...
Jese us jadugarni ke kiye kaale jaadu ka prabhav vaha abhi bhi ho...
Or us waqt ke toote hue kanch jese chehre pr...
Mere upar kiye hue jakhmo se nikli khoon ki cheente...
Abhi bhi vese ki vaisi ho...
'Taazi or vahi gaadhi laal'
Vo pyar ke maathe par mere dard ki shikan...
Or uska beparwah muskurata chehra...
Jo itne saalo baad yaha mere aaj me bhi mera peecha krta hai...
Ek taraf toota hua mein...
Un ummido ke sath jinda jise ummed hai ke ye ek keval bura sapna hai...
Ye aam si raat mein hue ek badlav ki kali ghataye hai...
Jo chatt jayengi, or fir andhero ke kuch pehar bad dhalte hi...
Ek naya sawera hoga...
Lekin sawera unke liye hota hai jo azaad hote hai...
Jo kaid hote hai unke liye din bhi jese raat hote hai...
Or unke liye ujalo or andhero me koi fark ni hota...
Aise hi main ke use kaash in andhero se nikal ke le chalu...
Muje uska aise rehna bardasht nahi...
Mai usme or uske haalat mai badlav dekhna chahta tha...
Use zindagi dikhana chahta tha, uske andhero ko ujalo se milvana chahta tha...
Mai use kese vaha chor deta isliye muje jhukna pada...
Main kuch bhi kar jaane ko beetab bas use in muskilo se nikalna chahta tha...
Muje sauda karna pada lekin kehte hai na kimat chukani padti ha, maine chukai...
Use mujse khokar mein use un andhero se bhar to le aya...
Apni rooh saunpkar aisi duniya ko jha andhero or dard ke siva kuch nahi tha...
Maine uski khushi ke liye koi parwah na karte hue khud ko aise hallaton ko saunp diya...
Aur uske dard- dukh-khalipan-kali raatein-gumnami or jeevan bhar ki kaid hamare hisse padi...
Or vo azaad ho gaye....
Apna vazood kho-kar maine uska vazood chamkaya...
Lekin mere liye ek chej sahi hui...
Vo to na thi vha us pal or har pal lekin us duniya me...
Mere us daur mein andhero ke bich uski jagmagati yaadein thi...
Un andheero ke daar mein or dard mein...
Uski ek parchai thi jo mere itne najdeek thi...
Bilkul uske jesi khamosh muje or mere dard samjhti hui...
Kabhi mere pas baithe hue to kabhi muje aise daur me bhi himmat bandhte hue...
Kuch tukde uske libas ke jo vaha mere sirhane rakhe hue the...
Or us kali koyle jaisi diwaro par uski ungluion ke nishaan...
Muje us daur se us jagah se jode rakhte the...
Or kuch uske aate jaate brahmahit karte daure jinki badolat sham dhale use apne najdeek betha dekha karna...
Or fir use itne kareeb pa ke na jane kab ankh lag jaati thi...
Sukoon janab sukoon tha vo jo befikra neend me so jaate the hum...
Nahi to kabhi kabhi aisa bhi hua ke din ke andhero mo soye or raat ke andhero me intazar kia...
Kya daur tha vo lekin kahi na kahi ek aag bhi thi mujme...
Vahi aag vahi umeed muje jinda rakhe hue thi...
Varna dua to yahi karke soote the ke bas ek bar fir vo itne kareb dikhe...
Or humari ankho par hath rakhe or bas hum is ehsas me ke...
Vo kareb hai, kabhi ab kuch na kare, uthe hi na...
Ankhe ye band reh jaye...
Kyoki unka chehra jo dekh ke soye h to bas ab kuch nahi chahiye...
Zamane beetein, mausam badle, yaha tak ki log bhi...
Ab ek chej un andhero ke bhi samajh na ayi ke ye itna sab kuch seh kar bhi zinda kyo hai...
Ise kya chez zinda rakhe hue hai?
Unme se ek darr samajhdar tha usne kaha...
"Pyar".
Ye sab cheje pyar se sahe ja rha hai...
Iske chehre par ye mushkurahat dekhi hai...
Jis se sayd tum us andhere or us burai ke gulam ho use bhi iski is gustakh fitrat se darr lagta hai...
Iske dil me ek hisse andhera hai or ek hisse ujala...
Or vo esi ummed ka ujala hai jo ek din hum sabko jala dega...
Or iski zindagi mein hamara nam-o-nishan tak nahi hoga...
Hoga to bas vo hmarae dushman ujale...
Khusiya, ache pal, behtreen kal or chamakti shamein...
Or vahi hua pyar hi itna tha ke vaha bhi kam pad gaya...
Main qaydo or pemano me kaid hone vala nahi...
Mai laut to aya lekin muje apnaya nahi gaya kyoki main pehle jesa nahi raha...
Jo aise daur aise manjro se gujra ho us se jyada a-sthir kuch nahi ho sakta...
Isliye muje ujale ab bhi jayda pasand nahi or ye bahar ki duniya...
Na mai use apna sakta ab aur na vo muje...
Use meri is kurbani ka koi ehsas koi malumaat nahi...
Ab vo kahi or hai or hum kahi or apni zindagi apni-apni tarah jeete hue...
Ye jo pyar ne mujko mushkil raaho par daala hai...
Meri khudgarzi ne mujko sambhala hai...
Mushkil hallato ne mujko pala hai...
Ye jo aag thi dil me mere use bana awaz kalam ki zubani kagaz ke kaano me daala hai...
Kagaz ne bhiga kar ansu apne use bujha rakh-rakh kar dala hai...
Or use syahi ke raang me apne bhitar bhasm bana kar rang dala hai...