Stars (Taare)

Kabhi is daudti zindagi me...
Ek dusre ko dhakel ke aage nikalne ki daud me...
Khud ko ekaant mein duniya se alag kabhi khule asman ke niche la ke...
Upar taaro ki taraf dekha hai?
Vese ke vaise hi jaise bachpan se dikhte aa rhe hai...
Kitne sundar, kitne adhrbhut jinhe dekh vismay sa hota hai...
Jinhe dekhne matrr se hi sukoon sa milta hai...
Unhi me kho jane or dubb jane ka mann karta hai...
Udd jane ka unhe chune ke liye...
Or tab ehsas hota hai ke humari bhi kuch simaye hai...
Manusayo ki, lekin ek lekhak ki nahi aao vahi le ke chalta hu...
To kaha the, acha yahi ke unhe dekh kesa lagta hai mann shant sa ho jaata hai...
Kyo? Kyoki unki sthirrta or adigta dekh dekh ke...
Kya prayojan hai unka...?
Vo kyo ni chale jate jaha unka mann kare..
Vo bhi azaad hai apni manmaani karne ko jesa vo chahe vesa kare...
Jese ap sabhi karte ho...
Lekin nahi har kisi chej ka apna vajood hota hai...
Aise hi nahi koi bevajah mojud hota hai...
Agar taare na ho to sab gadbad ho jaye jeevan ka or is srashti ka astitva hi na rahe...
Ye raat mein asmaan berang sa ho bilkul  kaala...
Or kavitao ki rangeen duniya me bacho ke liye taaro ka koi rang hi na rahe, koi zikra hi na rahe...
Ye chandrma bhi akela bilkul andhero ki giraft mein...
Akela sunsaan asmaan me bina taaro ki suraksha ghero mein...
Pata hai?
Logon or taaron me bahut samantaye hai...
Ap bhi kisi maa ki ankhon ke taare hai...
Or vo to taare hai hi ye srishti hi unki maa hai...
Jante ho unhe or apko jeevan dene vala ek hi hai...
Vo hi jisne duniya ko banaya hai...
Apke liye vo beshak taare ho lekin kisi ke liye vo ek sampurn suraj hai...
Akhir ye kehne ko taare hai lekin vigyan ki najro se dekho to apna suraj bhi ek taara hai...
Ye jo taare hai na...
Kisi ki dunya hai or unse kisi ka jeevan juda hua hai...
Kisi ki khusi chehre ki mushkurahat hai..
Unka bhi apna ek pariwar hai...
Unhe bhi mushkilo ka samna karna padta hai...
Unme bhi kuch teez chamakne vale kuch dheeme,
Kuch sabke bech bhi bheed main tanha...
Kuch tanha, akele...! fir bhi majbut...
Jese dhruv khud mein ek pehchan...
"Om Namo Bhagavathe Vasudeva"
Ka jaap karte hue narayan bhagwan se ashirwad or darshan paye hue...
Ek disha sthith suraksha banaye hue...
Kuch saath, pariwar jese...
Bilkul hamari tarah rehte...
Vo bhi tuut jate hai...
Bilkul hum manavo ki tarah hamesha ke liye...
Lekin jab tak jivit rehte hai haarte nahi...
Adig rehkar mukabla karte hai...
Chalo kyo na hum bhi un jese ban jaye...
Chamakte hue, or dar chor ke khil-khilaye....
Unki bhasa me kahe to tim-timaye...
Nisvarth is shrashti ka anng hai to iske kaam aye...
Kisi ke liye jeevan ban jaye...
Or is shrashti ko char chand lagaye...
Kyonki jab koi apna hume is duniya se chor ke chale jata hai...
To hum taaro me unhe dhundte hai, dekhte hai...
Kya pata un taaro me batha hua bhi koi hume dekh raha ho...
Kya pata koi unka bada antar bata raha ho ke aisa insan mat ban na jesa vo hai...
Vesa ban na jesa vo hai, kya pata udharan hamare upar diye ja rahe ho...
To hum kyo na khud ko behtar banaye kyoki vha se nahi to yaha...
Apke apne bech jo bhi ap krte ho uska asar apke taaro par bhi padta hai...
Yani chote nannhe munne bacho par...
Ab ye ap dekh lo ke unhe ap kis tarah ka sansar dena chahte hai...
Kis tarha ka bhavishaya dena chahte hai...
Or apke vo taare dheeme reh jate hai ya tim-timate hai?

Dhanyawad
#aao huzur tumko sitaro me le chalu